بابک آذربایجانین قهرمانی دیر. او 40 ایل بویوندوروق آلتیندا یاشاماق یئرینه بیر گون آزاد یاشاماغی بیزه اؤیره دیب. بابکین دوغوم گونون ده بیز آزادلیغی بیر گون ده اولسا تجربه ائتمه لییک و اونو ایسته مه لییک.

یایین ایکینجی جوماسی بابکین دوغوم گونو نظرده آلینیب. بو ایش رحمتلیک پروفسور ذهتابی نین اؤنردیغیندان آسیلی دیر. بو این 1387جی گونش ایلی دیر و یایین ایکینجی جوماسی تیر آیی­نین 14ینه دوشور. بو گون ده آشاغیداکی سایدیغیم ایشلری گؤره بیلریک:

1- الده قیرمیزی گول، اییینده آغ کؤینک له شهره چیخیب دولانیب، بو گونو اؤز تای-توشلاریمیزا قوتلو اولسون دئمک.

2- قیزمیزی، یاشیل و گؤی بویالی قوولوقلاری و نایلون کیسه لری شهر گازی ایله دؤلدوروب، داملارین اوستوندن گؤیه یوللاماق.

3- توی و دویونلریمیزی و شنلیک تؤرنله ریمزی بو گونده توتماق.

4- زیندان دا اولان میللتچی عائله لرینین گؤروشونه گئدیب، اونلاری یوخلوماق.

5- بو گونو قوتلاماق اوچون آچیقلاما بیلدیرشلر و CDلر یایماق.

6- شهرلرین گزمک یئرلرینه، پارکلارینا، و باشقا عمومی یئرلره گئدیب، جوماآخشامی چادیر ووروب صاباحین آخشامینا دک اوردا دئییب، گولوب، چالیب، اویناماق!

7- ئشییه گئتمک ایسته میین لره ده ائولرده قوناقلیق سالیب، تای-توشلاری بیر یئره توپلاییب دئییب گولمک.

8-بابکیندوغووم گونو قوتلو اولسون یازیب SMSله هاممی یا یایماق.

9- بابکین و بابک قالاسینین کارت-پوستالینی تای-تانیشا سونماق.

10- شن گونلره مخصوص اولان یئمک لر پیشیریب ائوده-ائشیک ده شادلیق ائدرکن یمک

۱۱- سلام یئرینه >>> یاشاسین آذربایجان و خودافیظ یئرنیه >>> گلجک بیزیمدیر!

بو گونو قوتلاماق و آزادجاسینا دئییب، گولوب، شنلیک ائتمک هاممی نین گؤره وی اولارکن حاققی دیر! بو گون ده هر یئرده سلام یئرینه "تورکون دیلی رسمی اولسون"، "تورک دیلینده مدرسه"، "تورکه آزادلیق"، "یاشاسین آذربایجان"، "یاشاسین دیلیم"، "نه موتلویام"، "تورک یورولماز"، "گوجوموز توکنمز"، "بابک اؤلمز"، "اؤلمه تورک"، "گله جه یه دوغرو"، "گلجک بیزیمدیر"، "اولوشماقدا اول"، "شن یاشا"، "آزاد اول"، "کؤله اولما"، و ... دئمکله بیر-بیریمزی سالاملایاق.